春日部新任市長‧四膳守積極推動環保措施，但原來背後有個秘密計劃…

某日，廣志同美冴飲咗小新喺河邊執返嚟嘅奇怪飲料，第二日竟然變成半獸人！原來四膳守一直研究實行極端環保措施「人類動物化計劃」，為咗令地球環境回復野生生態，佢透過「人類動物化飲料」將所有人類變成動物，從而阻止環境被破壞！小新、小葵、小白聯同春日部防衛隊成員，一齊前往敵人基地阻止四膳守，點知其他春日部防衛隊成員都開始半獸人化，而進一步變成動物嘅廣志同美冴更失去本性，忘記咗小新！到底小新、小葵同小白能否擊破四膳守嘅陰謀，並且拯救廣志同美冴？