結合青春與解謎嘅傑作誕生，今次小新佢哋去咗超級名校「天下春日部學園」體驗校園生活一星期！雖然風間內心希望可以同春日部防衛隊正式入讀學園，奈何小新完全唔知佢嘅諗法不停搞搞震，令風間嬲到離開宿舍仲話要絕交！非常擔心嘅小新等人四周圍搵風間，最後居然喺停止運作嘅鐘樓，發現噼噼有奇怪咬痕嘅風間，而佢醒返之後竟然變咗超級蠢材！與此同時，學園內身份未明嘅「吸噼鬼」橫行，愈嚟愈多學生變蠢。為咗查出奇怪事件嘅真相，「春日部偵探俱樂部」成立！到底事情真相係點？小新同風間嘅友情會否因為今次事件而決裂？